PSE NUK DUHEN NDERTUAR HECET MBI LUMIN E VJOSES, Liber nga Sazan Guri

PSE NUK DUHEN NDËRTUAR HECET MBI LUMIN E VJOSËS

Zona mbi lumin e Langaricës, ku po ngrihen tre Hec-e përfaqëson një nga zonat me ekosistemin më të brishtë të vendit, ku ndodhen pesë pasuri të mëdha natyrore që lidhen apo ndikohen direkt me aktivitetin e veprës së marrjes dhe devijimit të ujit si:
Bredhi i Hotovës – Dangëlli, Shpallur Park Kombetar me VKM nr 16/31, dt 17.12 2008;
Kanioni i Lengaricës;
Ujërat Termalë të Bënjës me tetë burime të tilla;
Shpella e Pëllumbit, dhe 15 shpella të tjera, shtëpi parahistorike të njerëzimit dhe Guri i Petranit.
Nëse i grumbullojmë të gjithë kriteret së bashku për Hec-in e Pocemit vërejmë se ndërtimi i tij bie në një zonë me problematikë, si në rastin e ndikimeve mjedisore dhe në zonën e përfitimeve të pakta të energjisë.
Hec-i i Poçemit do të prodhojë një energji prej 57MW, mbasi ka përmbytur 22km2 ose 2200 ha në letra dhe mbi 3500 ha në praktikë, dhe shumëzuar për dy apo tre herë në raste përmbytje tipike alla Vjosë do të kemi një prodhim energjie 1 MW/70 ha.
Ndërkohë që nga llogaritjet botërore për efikasitetin e digave rezulton se ato (digat) janë efikase, kur prodhojnë 1MW energji për më pak se 20ha, dhe pak efikase deri në maksimumin 40ha.
Pra, Pocemi e ka këtë koificient tre herë më të lartë, e thënë ndryshe tre herë më pak rentabël.